పాలకొండలో జిల్లా సాధన జోరు ముఖ్యమంత్రికి వినతిపత్రం — సానుకూల హామీ

 

పాలకొండ, నవంబర్‌ 9 (పాలకొండ వెబ్ న్యూస్):

పార్వతీపురం మన్యం జిల్లాలోని రెవెన్యూ డివిజన్ కేంద్రం పాలకొండను ప్రత్యేక జిల్లాగా ప్రకటించాలి, లేకపోతే శ్రీకాకుళం జిల్లాలో విలీనం చేయాలని డిమాండ్ చేస్తూ పాలకొండ జిల్లా సాధన సమితి నాయకులు మరియు ఆల్ ఇండియా బీసీ ప్రజా వెల్ఫేర్ అసోసియేషన్ ప్రతినిధులు రాష్ట్ర ముఖ్యమంత్రి నారా చంద్రబాబు నాయుడు, జలవనరుల శాఖ మంత్రి నిమ్మల రామానాయుడులను అమరావతి లో కలిశారు.

          ఈ సందర్భంగా వారు జిల్లాల పునర్విభజనలో పాలకొండకు తీవ్ర అన్యాయం జరిగిందని ముఖ్యమంత్రికి వివరించారు. ప్రజల అభిప్రాయం, భౌగోళిక పరిస్థితులు, పరిపాలనా సౌలభ్యం దృష్ట్యా పాలకొండను ప్రత్యేక జిల్లాగా చేయడం అవసరమని విన్నవించారు.

          ముఖ్యమంత్రి చంద్రబాబు నాయుడు ఈ అంశంపై సానుకూలంగా స్పందించి, ప్రభుత్వ స్థాయిలో పరిశీలన జరిపి తగిన నిర్ణయం తీసుకుంటామని హామీ ఇచ్చినట్లు సాధన సమితి ప్రతినిధులు తెలిపారు.

         ప్రతినిధి బృందంలో జిల్లా సాధన సమితి నాయకులు, బీసీ సంఘం రాష్ట్ర ప్రతినిధులు, స్థానిక ప్రజాప్రతినిధులు పాల్గొన్నారు.

          ఈ సందర్భంగా వారు “పాలకొండ ప్రజల ఆకాంక్షను ప్రభుత్వం గౌరవిస్తుందని మేము నమ్ముతున్నాము” అని పేర్కొన్నారు.

                                                                                              — పాలకొండ వెబ్ న్యూస్ 📰